4. Namminersorlutik Oqartussat
2021-mi Namminersorlutik Oqartussat 7.282 mio. kr.-it aningaasat atorsimavaat. 2020-mut sanilliullugu 154 mio. kr.-inik annertunerusimapput, 7.436 mio. kr.-it atorneqarsimallutik.
Titartakkami 4.1-mi takuneqarsinnaapput 2021-mi Namminersorlutik Oqartussat aningaasat atugaat suliaqarfinnut immikkoortillugit. Naalakkersuisoqarfinni ataasiakkaani allaffissornerit sulianut immikkoortinneqarput. Naalakkersuisoqarfinni Aqutsisoqarfinnilu ataasiakkaani allaffissorneq suliaqarfinnut ilanngussorneqarput.
Titartagaq
4.1
Namminersorlutik Oqartussaat aningaasat atugaat sulianut
immikkoortiterlugit 2021
Najoqqutaq: https://bank.stat.gl/OFNFUNK
Namminersorlutik Oqartussat peqqinnissaqarfik ingerlatarivaat. 2021-mi peqqinnissaqarfik Namminersorlutik Oqartussani nalinginnaasumik pisortat kiffartuussineranni aningaasanik atuiffiunerpaajusimavoq. 1.808 mio. kr.-it peqqinnissaqarfimmut atorneqarsimallutik Namminersorlutik Oqartussat aningaasanik atuinerisa 24,8 pct.-eralugu. 2020 immikkuullarilluinnartumik coronamut suliniutinut aningaasartuutit ukuusut; Kalaallit Nunaanni innuttaasunik misissuineq, napparsimasunik assartuineq, allattoqarfimmik pilersitsisoqarneq peqqinnissaqarfinnilu illersornissamut atortut pissutaallutik peqqinnissaqarfimmut aningaasartuutit 2021-mi ikinnerupput 163 mio. kr.-inik ikisimallutik.
2021-mi ilinniartitaanermut aningaasat atorneqartut 1.084 mio. kr.-iusimapput, 2020-mut sanilliullugu 0,3 pct.-imik appariarpoq. Ilinniartitaanermut Namminersorlutik Oqartussat aningaasanik atuinerisa 14,9 pct.-erivaat.
Isumaginninneq Namminersorlutik Oqartussat suliaasa pingaarnerit ilagivaat. 2021-mi 859 mio. kr., tassa Namminersorlutik Oqartussat aningaasartuutissaminnut naatsorsuutaani 11,8 pct.-iat tassunga atorsimavoq. Isumaginninnermut tunngasut pineqartut ukuupput; ilaqutariit, meeqqat, inuusuttuaqqat, innarluutillit, utoqqaat, suliffeqarfiit, inissiat, pinaveersaartitsineq kiisalu inuuniarnermut tapit, erninermi ullormusiat, ineqarnermut tapit, peqqissarneq, piffissani aalajangersimasuni suliffissaaleqisarnerup akiorniarnera, siusinaarluni suliunnaarnermusiat, utoqqalinersiat il.il.
Nalinginnaasumik pisortat kiffartuussineri aamma aningaasaqarnermut tunngasut Namminersorlutik Oqartussat ingerlataanut pingaarnernut ilaasut kingullersaraat. Tassunga ilaapput; Namminersorlutik Oqartussat ingerlanneqarnerat, tassunga ilaallutik Naalakkersuisut, Aningaasaqarnermut Naalakkersuisoqarfik, Nunanut allanut Naalakkersuisoqarfik il.il. aamma aningaasanik nuussinerit assigiinngitsut. Tassunga aamma ilaapput ass. niuernermi, kiffartuussinerni aamma takornariaqarnermi suliffeqarfinnut tapit kiisalu aalisarnermut, piniarnermut nunalerinermullu tapit. 2021-mi nalinginnaasumik pisortat kiffartuussinerannut aningaasat atorneqartut 2.207 mio. kr.-iupput aningaasaqarnermut tunngasut 799 mio. kr.-iusut.
Inissianut tunngatillugu Namminersorlutik Oqartussat aningaasat makkununnga atornerusarpaat; nutaanik sanaartornernut aamma pioreersunik pisortat illuutaanik nutarterinernut. 2021-mi aningaasat tassannga atorneqartut 173 mio. kr.-iusimapput Namminersorlutik Oqartussat aningaasanik atuinerisa 2,4 pct.-erivaat.
Takussutissiami 4.1-imi takuneqarsinnaapput Namminersorlutik Oqartussat isertitaat suunerinut aamma aningaasarsiorneq tunngavigalugu agguataarlugit.
Takussutissiaq
4.1
Namminersorlutik Oqartussat aningaasat atugaat,
aningaasarsiorneq tunngavigalugu agguataarlugit
|
|
|
2017 |
2018 |
2019 |
2020 |
2021 |
|
|
|
Mio. kr. |
||||
|
1. |
Ingerlatsinermut aningaasat atorneqartut .... |
6.142 |
6.433 |
6.619 |
6.974 |
6.696 |
|
1.1 |
Atuinerit katillugit ...................... |
3.363 |
3.409 |
3.615 |
3.867 |
3.710 |
|
1.2 |
Ingerlaavartumik aningaasanik nuussinerit ... |
2.779 |
3.025 |
3.004 |
3.108 |
2.986 |
|
|
|
|
|
|
|
|
|
2. |
Aningaasaliinermi aningaasat atorneqartut ... |
565 |
569 |
312 |
462 |
587 |
|
2.1 |
Pigisanut nalilinnut aningaasat atorneqartut iluarsisat ............................ |
362 |
330 |
243 |
389 |
472 |
|
2.2 |
Aningaasaliissutinik nuussinerit ........... |
203 |
239 |
69 |
73 |
114 |
|
|
|
|
|
|
|
|
|
A. |
Aningaasat atorneqartut katillugit........ |
6.707 |
7.003 |
6.931 |
7.436 |
7.282 |
|
|
|
|
|
|
|
|
|
3. |
Ingerlatsinermi isertitat .................. |
7.094 |
7.871 |
7.894 |
7.609 |
7.334 |
|
3.1 |
Inuussutissarsiutinit isertitat .............. |
346 |
342 |
336 |
372 |
361 |
|
3.2 |
Pigisanit nalilinnit isertitat ................ |
315 |
384 |
873 |
322 |
370 |
|
3.3 |
Nioqqutissiornermi aamma eqqussuinermi akileraarutit .......................... |
1.044 |
1.201 |
1.207 |
1.239 |
1.233 |
|
3.4 |
Ingerlaavartumik akileraarutit ............. |
1.275 |
1.758 |
1.190 |
1.390 |
1.239 |
|
3.5 |
Ingerlaavartumik aningaasanik nuussinerit allat |
4.114 |
4.187 |
4.287 |
4.287 |
4.131 |
|
|
|
|
|
|
|
|
|
4. |
Aningaasaliissutinit isertitat .............. |
0 |
0 |
0 |
0 |
0 |
|
|
|
|
|
|
|
|
|
B. |
Isertitat katillugit..................... |
7.094 |
7.871 |
7.894 |
7.609 |
7.334 |
|
|
|
|
|
|
|
|
|
C. |
Ingerlatsinermi sinneqartoorutit (3-1) (sipaakkat tamakkerlugit).............. |
951 |
1.437 |
1.275 |
635 |
638 |
|
|
|
|
|
|
|
|
|
D. |
Ingerlatsinermi aamma
aningaasaatinit/pigisanit nalilinnit sinneqartoorutit
(B-A) |
386 |
868 |
963 |
173 |
51 |
Malugiuk. Naatsorsuutit ataatsimoortinneqarput, taamaattumik ENS 1995 malillugu suliarineqarmata pisortaqarfiit akornanni nuussinerit ilaanngillat. Taamaasilluni 2021-mi Namminersorlutik Oqartussani ingerlatseqatigiiffinnut immikkut inatsisitigut akisussaaffimmik tunineqarsimanngitsunut aningaassaliissutit 29 mio kr.-iusut kisitsisinut paasissutissanut ilanngunneqanngillat.
Najoqqutaq: https://bank.stat.gl/OFNREAU aamma https://bank.stat.gl/OFNREAI
2021-mi Namminersorlutik Oqartussat 51 mio. kr.-inik sinneqartooruteqarput. 2020-mut sanilliullugu aningaasat atorneqarsinnaalersut appasinnerulersimapput taamani 173 mio. kr.-iugamik. Annertunerusumik sinneqartoorutit annikillinerinut pissutaasut tassaapput; isertitanit akileraarutit ikilineri, pilersuinermi aamma eqqussuinermi akileraartutit ikilineri, nuussinerit ingerlaavartut aamma ingerlatsinermi isertitat ikinneruneri pigisanullu aningaasartuutit annertuneruneri. Ingerlatsinermi sinneqartoorutit aamma sipaakkat tamakkerlugit-mik taaneqartarput, 3 mio. kr.-inik qaffapput 638 mio. kr.-inut annertussuseqalerlutik.
Pisortat aningaasaqarneranni aningaasat atorneqarsinnaalersut nunatta karsiata naatsorsuutaani DAU-saldo-mut (DAU ingerlatsineq (drift), Anlæg (sanaartorneq) aamma Atortitsinermit (Udlån) naalisagaavoq) taputartuunneqassanngillat, taanna nunatta karsiata ukiumut naatsorsuutaani 140 mio. kr.-inik 2021-mi amigartooruteqarfigineqarsimasutut nalunaarutigineqarsimavoq. Pisortat aningaasaataanni atorneqarsinnaalersut (fordringserhvervelse) 51 mio. kr.-iuneranut, Nunatta karsiani nuunneqarsimasut ilaat pisortat aningaasaataanut ilanngunneqarsimannginneri, pissutaavoq.
Atukkiilluni, aktianik pisinerit, Namminersorlutik Oqartussani ingerlatseqatigiiffiit immikkut inatsisitigut akisussaaffimmik tunineqarsimanngitsunut aningaasaliissutit Sanaartornermut aamma Eqqagassanut aningaasaateqarfimmut aningaasaliissutit katillugit 2021-mi 191 mio. kr.-iusimapput. Pisortat aningaasaqarneranni, Sanaartornermut aamma Eqqagassanut aningaasaateqarfimmut aamma Piffissaq ungasinnerusoq eqqarsaatigalugu aningaassaliissuteqarnissamut Aningaasaateqarfik aningaasartuutinut, pigisanut aningaassaliissutinuunngitsoq, atorneqaraangata aningaasaliissutinut aningaasartuutitut naatsorsuutigineqartarput. Taakku suli atorneqartinnagit sipaakkatut naatsorsuutigineqartarput.
Suliaqarnermi aningaasat atorneqartut (atuinernut aningaasat atorneqartut) 2021-mi 157 mio. kr.-inik apparput 3.710 mio. kr.-inngorlutik, 4,1 pct.-imik apparlutik. Taakkununnga ilaapput tunisassiornermi sulisunut aningaasarsisitsinerit taakku 2021-mi 49 mio. kr.-inik qaffassimapput 2.132 mio. kr.-inngorsimallutik aamma atuinerit 2021-mi 198 mio. kr.-inik apparsimasut 1.859 kr.-inngorsimallutik. Nioqqutissanik kiffartuussinermillu tunisineq 15 mio. kr.-inik qaffassimavoq 592 mio. kr.-inngorsimallutik 2,6 pct.-imik qaffassimallutik.
Aalajangersimasunut nutaanut aningaasaliinerit aamma pisinerni tunisinerni aningaasat atorneqartut 83 mio. kr.-inik qaffasimapput 472 mio. kr.-inngorsimallutik 21,3 pct.-inik qaffassimallutik. Aningaasaliissutinik nuussinerit 42 mio. kr.-inik qaffassimapput 114 mio. kr.-inngorlutik. Namminersorlutik Oqartussat aningaasaliissutaat katillugit 125 mio. kr.-inik qaffassimapput 587 mio. kr.-inngorlutik.
Namminersorlutik Oqartussat isertitaat apparsimapput 276 mio. kr.-inik 7.334 mio. kr.-inngorsimallutik 3,6 pct.-imik apparsimallutik. Ingerlaavartumik aningaasanik nuussinerit annertuut EU-meersuupput Qallunaallu naalagaaffianeersuullutik. Isertitat ingerlaavartut 2021-mi 4.131 mio. kr.-iupput. Isertitanit taakkunaniit annertuut kommunit ingerlatsinerannut aningaasaliinerannullu nuunneqartarput. 2021-mi 2.124 mio. kr.-it kommuninut nuunneqarsimapput.